Аб’яднаны інстытут праблем інфарматыкі Нацыянальнай акадэміі навук Беларусі будзе супрацоўнічаць з двума навуковымі інстытутамі Кітаю — Інстытутам аўтаматызацыі і І Інстытутам штучнага інтэлекту, оптыкі і электронікі Паўночна-Заходняга політэхнічнага ўнівэрсытэту Кітаю.
Як паведамляецца ў Telegram-канале Нацыянальнай акадэміі навук, адпаведны мэмарандум падпісалі 7 жніўня.
«Супраца ахоплівае шырокі спэктар прыярытэтных кірункаў: штучны інтэлект, супэркампутарныя тэхналёгіі, робататэхніка, кампутарны зрок, біямэдычная інфарматыка і іншае», — адзначаецца ў паведамленьні.
Сёлета ў красавіку разьвіцьцё штучнага інтэлекту ўключылі ў прыярытэтныя кірункі навуковай, навукова-тэхнічнай і інавацыйнай дзейнасьці ў Беларусі на 2026–2030 гады.
Цяпер спэцыялісты ў сфэры дзяржаўнага стандарту распрацоўваюць мэтады рэгуляваньня штучнага інтэлекту і адпаведныя праекты законаў.
У той жа час тэхналёгіі штучнага інтэлекту ўжо прымяняюцца ў шэрагу эканамічных і мэдычных сфэраў Беларусі.
ГЛЯДЗІЦЕ ТАКСАМА: Робат-асыстэнт Алена. У Беларусі сама меней на двух газавых прадпрыемствах пачалі выкарыстоўваць ШІ